為谷最新三級片《人間中毒》韓星宋承憲最近頻頻曝光，嚟緊佢仲會參演19禁talkshow《魔女狩猎》，暢談「黃色話題」添。

今次係宋承憲自《兩個男人秀》之後，時隔13年再次出演綜藝節目。據知喺《魔女狩猎》上佢將會自爆戀愛史，又會同主持同其他男性嘉賓，傾盡19禁話題。男神講「黃色話題」喎，粉絲們唔係唔期待呀嘛。

宋承憲喺29號已經錄好咗0架喇，但幾時會播就未知，等下先啦下。

另外，宋承憲早前仲首次演出內地節目《帶你看星星》，節目中佢會爆料當年為咗睇牙醫，而差啲拒絕出演人氣韓劇《藍色生死戀》，仲會講下佢第一次同玄彬、蘇志燮見面嘅過程。節目今晚就會播o架喇，粉絲留意住啦。