林峯同吳千語喺13年開始戀情浮面，先係喺頒獎禮上激動多謝「BB」，無耐喺演唱會又對住吳千語唱《BB》，越戀越高調，承認拍拖之後，喺《勁歌金曲》連講七次「好愛」示愛，千語BB當時用番七次「多謝」嚟回應林峯。

兩人一拍就拍咗拖四年幾，不過近月屢傳分訊，跡象都唔少，包括兩人少見面，冇喺埋一齊過節日慶祝，又有傳話千語BB戀上前全國政協施子清長孫施伯雄等，唔理原因係乜，結過都係得一個，林峯同疑似新女友同父母去咗海洋公園玩。

至於千語BB呢段時間都有去玩，上個月同富二代好友程曉玥等人一齊去滑雪，而程曉玥近月都被指同大陸男星鄭愷分手，一班姊妹好可能夜晚晚圍埋girl talk講心事。

精選娛聞，喺晒《娛果》
http://fb.com/appledailyent