胡諾言同太太陳琪及李麗珍早前跟堪輿學家李居明到日本大阪拍攝一部有關風水嘅電影。其間去到一條忍者村，胡諾言話第一次扮忍者，感覺好好玩，佢話﹕「師傅話娽色啱我呀！師傅全程都好有威嚴，反而珍姐就好似小妹妹咁，佢好nice，仲充滿活力。」睇番珍妹打扮，雖然已經52歲，但樣貌保養得宜，胡仔話﹕「真係同我以前喺電影同電影見到佢一樣咁樣，冇變，有機會都想同師姐再合作，但佢都好少拍劇。」

胡仔有機會試玩水上飄，當地人話如果藝人浸落水就會大紅大紫，胡仔笑言﹕「因為要拍攝，我就冇成身浸到濕晒，但對腳都濕晒架，係未去上上半身，但應該都叫大紅大紫，哈哈，係慢啲啫。」

胡仔雖然去到大阪開工，但由於拍攝期間，無綫咁啱播緊《天命》，所以有唔少途人
嗌佢劇中名字『那彥成』，胡仔亦有停低影相同簽名，而《特技人》亦即將播出。

精選娛聞，喺晒《娛果》
http://fb.com/appledailyent