【新增動新聞】
基斯坦奴朗拿度（C朗）本身已經係歐聯入波最多球員，佢喺星期三皇家馬德里主場贏尼科西亞嘅分組賽梅開二度之後，唔止將自己嘅歐聯入波紀錄改寫到109球，亦破咗歐聯嘅12碼紀錄。

呢場比賽之前，C朗同巴塞隆拿嘅美斯喺歐聯都係入咗11個12碼，由於C朗今場入嘅第二球係12碼，所以佢已經超越咗美斯，成為歐聯射入12碼最多嘅球員，新紀錄係射入12個12碼。