久休復出的林嘉欣，憑《百日告別》爭逐影后，今晚佢選穿台灣設計師詹朴嘅黑色露胸禮服，搭配DeBeers珠寶，晚裝雖然好性感，半球同腰肢盡露，但由於嘉欣有點「先天不足」，故此性感有餘，但未能穿出效果，反而予人感覺「冇咗條腰」。

而林嘉欣受訪時表示，今日雖然性感打扮，但已經做足安全措施打咗底，佢仲話係人生最性感一次。問到老公有冇嚟支持？嘉欣就話老公留喺屋企睇電視支持。