【古怪周邊】手機外置探熱器 度體溫做紀錄
蘋果日報 2018/12/13 00:03
體溫韓國智能手機手機外置探熱器Croise. a智慧溫度計紀錄
Croise. a接駁上智能手機，有探測人體及物件溫度功能。
家有小朋友者，每朝送他們返學前，估計大家都有幫佢哋量度體溫的習慣，每次要做紀錄都真係幾煩人；最近行場發現了一款來自韓國的Croise. a智慧溫度計（$250），可以將普通智能手機，變身成一個深測熱能工具，會係一個幾好的幫手。
Croise. a設計成一顆巨形藥丸狀，只要拔下底部保護殼，就可以插上智能手機的3.5mm耳機插孔；只要再裝上它的專用App，再打開機頂類似鏡頭蓋物體，就可以開始探測溫度。
首先是探測人體溫度，只要將鏡頭位貼近額頭3秒，就可以量出體溫；而且它還有紀錄功能，體溫過高時，還會提示你看醫生，甚至會連上手機的地圖功能，幫你查找最近醫院及診所等資料，都算幾細心。無錯！在香港這個功能未必用得着，但如果你出外旅遊時，這個可能就真係幫到手，因為佢可對應全球的醫療資訊。
另外此機還有一個量度物體溫度模式，只要你指出量度物體的屬性，例如金屬、膠料、木頭、水、玻璃及混合材質等，它亦可以幫你量度到最精確的溫度，據稱它的探熱能力在0℃-180℃ 之間，最高誤差大概在± 2℃至5℃之間。
查詢：錦興瓷器行（旺角廣東道1003號地下）
記者、攝影：朱崇德
韓國智慧溫度計Croise. a（$250）
只要插上手機3.5mm耳筒位，再配專用App就可以馬上使用。
量度人體體溫後，還會有自動將時間及溫度等資料紀錄下來。