無綫前廣播業務總經理陳志雲與前助手叢培崑涉貪案，律政司於提出第二度上訴，上訴庭於今日頒下書面判決，宣佈上訴成立並頒下判詞，指原審法官稱陳志雲有合理辯解是無事實或法律基礎，下令原審法官裁定陳志雲及叢培崑罪成，並對兩人進行判刑。

曾係志雲黨之一嘅鄧健泓，今日喺電話度表示有發短訊俾志雲，問內容係咪安慰佢?鄧健泓話:「冇乜特別，叫佢一聲大哥，佢叫我放心。」跟住佢又話:「我只可以講，我絕對相信佢係一個好人。」咁志雲o依家有冇經濟壓力？鄧健泓話:「我真係唔知。」

鄧健泓同無綫嘅經理人同藝員合約出年3月屆滿，本來之前無綫要佢加監，但而家就搞掂唔使，佢話:「因為我已經跑咗內地好多個演出，fullfill晒合約嘅嘢。但我都要尊重返合約精神，同無綫嘅合約出年3月先至完，之後我會繼續做音樂同舞台劇方面嘅工作。」