臨近聖誕及新年,水貨客密密來港掃奶粉,多區再現奶粉荒。《明報》今日報道,沙田廣場仁豐藥房的美贊臣A+1奶粉每罐賣584元,較正常價格抬高近一倍,至下午更刊登讀者提供的相片,顯示該款奶粉貼上的價錢牌,每罐584元。
《蘋果》記者今日到仁豐藥房查詢,店舖主管蔡先生聲稱,當時店內並無該款奶粉供應,店員只是跟客人開玩笑,「我叫咗個後生仔(店員),出嚟承認自己講過的說話,同全香港人講對唔住,搞到恐慌,後生仔要為自己說的話負責」。他指店員之所以那樣說,相信是因為太多人查詢,「佢個動機係開玩笑,因為俾人問奶粉問到好煩,估計每日答要500至600次」。
而涉事的店員表示,當日被記者問價時,「嗰日做到無聊,佢(記者)嚟問我有冇貨,我見有少少煩,我玩下嘢話五百幾蚊,諗住趕佢走,點知寫到咁大......只有怪我自己平時亂講嘢,我要同香港市民道歉,搞到咁大單」。他又強調該店從來沒有以584元出售奶粉。
註:藥房晚上回覆《蘋果》,承認員工曾為奶粉標價584元。
【相關報道】
奶粉每罐584元藥房改口認「有標價冇賣出」
http://bit.ly/1fpXnys