當年今日

吳肇軒見曾華倩心跳

蘋果日報 2018/05/25 00:00


曾華倩、朱慧敏和樂瞳前晚於大埔的亞視總台錄影節目《今晚見》,這集邀請了胡卓希、林家熙、胡子彤及吳肇軒四位小鮮肉做嘉賓。曾華倩日前被指面癱,惹中風疑雲,她前晚澄清:「嗰日感冒,我啪咗藥,年紀大到咗更年期,體力真係負荷唔到,咁多年第一次係咁,不過冇事。返屋企沖咗熱水涼,瞓咗兩日,𠵱家變番精靈BB。」
對於「翻版梁朝偉」吳肇軒,曾華倩說:「劉嘉玲話佢似初出道嘅梁朝偉,我都好奇,想睇吓佢似唔似我初戀情人。遠睇些少似,不過我都係覺得梁朝偉正啲。」兩人應記者要求合照,胡子彤卻叫「咀嘴」,曾華倩反問:「邊個叫咀嘴?你出嚟同佢咀先。」吳肇軒坦言對着曾華倩有心跳感覺,他自爆早前在台灣拍戲遇到梁朝偉:「佢個氣場好犀利,我差啲暈低。」
採訪:盧妹
攝影:林賓尼