前特首曾蔭權2012年卸任後，首次接受媒體專訪。他接受《am730》訪問時，被問到現任特首梁振英上台4年，民怨大、爭議多，市民出現「懷念」兩名前特首董治及曾治時期的情緒，他淡然稱：「依家年紀大咗，啲嘢睇闊咗，好多嘢灰色嘅，而且環境又唔同，每個特首都面對不同挑戰，唔會感覺上因為我做就唔同，根本掌握唔到所有資料，你都唔知人哋做得對抑或唔對。」不過，他相信任何人出任高級職位亦全心全意做事。

他又自言「好彩」，與太太外出時，總會有市民主動前來握手表示支持，「尤其係知道我有啲苦況，(他們說)我都支持你呀！」，感動亦感恩。他又指首任特首董建華為香港做了很多事，對過渡安排亦作出很大貢獻，「我好相信呢啲係好自然現象，不過都好感恩，做到高職位，係風險高、回報高，但都要付出代價，相對都好高。」

對於好友兼前政務司長許仕仁因新地案而繫獄，曾為許撰寫求情信的曾蔭權輕揉鼻子，然後語帶哽咽，自言為對方做了頗例外的事情，「當時陪審團判佢(許仕仁)有罪時，我寫咗封信俾法官，封信講出我所有內心，對呢位老朋友嘅心境。」他指當時有很多矛盾，案件審判時才知道一些新事實，但強調許仕仁對香港貢獻不少，如當年亞洲金融風暴時期，彼此聯手打「大鱷」，全靠時任財經事務局長許仕仁及金管局總裁任志剛的扶持，他任財政司時很艱難做出極之困苦的決定，克服當時危機，許的功勞是不可滅。他說現時每日都會為許仕仁祈禱，形容對方是他「終生一個好好嘅朋友」。