今屆雙料冠軍港姐Juliette，雖然得獎，但就被四方八面有得睇冇得揀嘅觀眾批評，無論個樣到棚牙，再到唔咸唔淡嘅廣東話，無一倖免，狠嘅程度，幾乎一面倒……

雖然得唔到普羅大眾嘅心，不過Juliette就得到手扼兩票嘅Do姐歡心，結果順利做埋冠軍。

而歷來港姐遊戲嘅潛規則，參選得嘅佳麗，家底條件都有番咁上下。今年23歲、嚟自加拿大多倫多嘅Juliette，原來家景相當富裕，老竇係香港十大設計師兼富商雷葆文，喺設計界同商界均有頭有面，今次Juliette參選港姐，都係得到老竇嘅提名。

Juliette一家早年已移民加拿大，但屋企多年一直喺中、港、澳門發展其設計事業。據知，單係佢遍布中、港、加三地嘅名下物業，已達億計。