孫佳君今日到灣仔dbc電台，接受吳綺莉節目訪問，兩位單親媽媽原來多年前喺成龍盃賽車時認識，如今已各有子女。

訪問期間二人交流湊小朋友嘅難處，孫佳君話大仔0依家11歲，擔心囝囝進入反叛期：「以前自己十幾歲都好難教，好反叛，大人講乜嘢都聽唔入耳，好彩阿仔算乖。」

吳綺莉之前同女兒吳卓林相處不和，孫佳君話當時未同吳綺莉太多接觸，冇去傾件事，但就好坦白話：「一個人湊小朋友，都希望搵到另一半，畀到男性榜樣兩個仔，好多嘢我都教唔到佢哋。」

孫佳君話依0家同廚師男友OlivierElzer感情穩定，但未有計劃進一步打算，而男友同佢一對兒子相處融洽，孫佳君話：「我哋會經常搞小朋友活動，佢同前妻有個女，年紀同我細仔一樣，每當三個小朋友走埋一齊好開心，佢哋會一齊恰我。」咁穩定又相處愉快，會唔會考慮結婚？孫佳君笑話：「neversaynever，身邊太多離婚例子，等有人求婚先諗啦，依家享受戀愛感覺先。」

至於卓林早前生日，吳綺莉話囡囡同咗朋友一齊慶祝，自己就留在家冇參與。