【八方相當年】田灣女孩袁嘉蔚 原來係寫banner達人

蘋果日報 2018/06/11 00:10

袁嘉蔚眾志八方相當年羅冠聰
    提起袁嘉蔚（Tiffany），唔少人認識佢都係因為佢係前立法會議員羅冠聰嘅女友，亦有唔少人因為佢係眾志副主席，所以對佢有印象，但查實Tiffany上個月已經退出眾志，而家主力服務社區，仲有個新朵叫做「田灣女孩」。呢位「田灣女孩」大學時候已經投身社運，仲有一個好特別嘅崗位，就係負責寫banner！
    生於93年嘅Tiffany話，自己由細到大都好外向，小學開始已經成日被老師委派任務，服務同學，去到中學當然亦係活躍份子，社際嘅活動多數都會有佢嘅身影，而佢亦都會組織同學做啦啦隊。
    似乎佢嘅中學少女時代，都唔多熱由衷於政治，Tiffany都話係，稱中學時期都無參加過社運；直至2013年大學一年級，做咗城大中文、翻譯及語言學系會長，則首次參加元旦遊行，而佢當時嘅崗位就係負責喺大banner寫字，唔係係咪手字ok，開咗個頭之後，直至而家社運界都仍然有人搵佢幫手；最近嘅作品，就係為悼念李旺陽逝世6周年集會寫banner。
    相信唔少人同八方一樣，睇完Tiffany提供嘅童年照，都會覺得佢個樣真係由細到大都無乜變點，天生一副娃娃臉。Tiffany笑稱，「童顏」令到佢同街坊可以打開話匣，唔少人會問佢係咪剛剛大學畢業？更加有人以為佢剛考完DSE，但同時都有人覺得佢年紀細唔係認真服務街坊。咁可以點解決？Tiffany話，「唯有用行動證明囉！」
    empty
    empty
    兩歲果陣嘅袁嘉蔚眼碌碌，非常精靈。
    empty
    袁嘉蔚話細個成日有人話佢醜，因為佢唔識正常笑，淨係擺埋啲奇怪表情。
    empty
    中學時已經係活躍份子，運動會時仲會組織同學做啦啦隊添！
    empty
    2014年袁嘉蔚已經係社運常客，當時雨傘運動佢都有參與。
    empty
    由細到大都好外向，跳舞、游水樣樣活動佢都想嘗試。
    empty
    喺雨傘運動幫手寫「我要真普選」banner。
    empty
    當年有份參與大專生苦行撐工人，支援當時嘅碼頭工人罷工。
    empty
    中學時期個樣同而家都無分別㗎。
    empty
    讀year1時為六四寫嘅banner，模仿當年八九學生嘅一條banner所寫。
    empty
    退出眾志嘅袁嘉蔚以區諾軒議員辦事處社區幹事身份，服務田灣街坊。