曾於電影《國產凌凌漆》飾演金槍人的黃錦江，今日在灣仔藝術中心舉行「四十不惑」畫展，好友劉兆銘及導演章國明等到場支持。

黃錦江畫齡逾50年：「我今年都68歲啦，一直都有創作，今次係第三次喺香港做畫展，對上嗰次已經係廿幾年前。」問他為何在電影方面減產？黃錦江自嘲年紀大，但前年亦有拍攝大陸電影《非洲遇見你》，他說：「成齣戲喺非洲拍，留咗個幾月，講保護動物，係我第一次做正派。」

他笑謂以前等埋位好悶，會趁空檔畫畫：「因為我唔係主角，好多時喺房間入面，我就趁機畫。」問黃錦江拍攝《國》時，有否趁等埋位時間畫畫？他笑說：「唔得，星爺（周星馳)會話我唔專心，咁樣唔夠專業。今次我都有邀請佢嚟，不過佢唔得閒，有時我哋都會見面，當然唔係成日啦，佢咁忙。」

採訪、攝影：盧妹

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇