郭能（外號Ironman鐵漢）季內曾多番替高伯新馬房「精壯神駿」執韁上陣，在今次（21日）谷中夜馬第七場三班1650米，他最終策騎文家良麾下「翡翠福星」出賽，前駒則由長人騎師沈拿操刀。

呢兩匹馬季內都曾由自己贏過，究竟點解郭能今場會騎後駒呢？

Ironman表示「翡翠福星」上次於泥地1650米跑獲殿軍後，已一早應承幕後再出再騎，之後先知道「精壯神駿」會在同場上陣，所以自己絕對冇揀馬跑。

Ironman又話「翡翠福星」上季曾贏過快活谷同程，最近晨操連番操練隻馬，覺得佢狀態好好。

不過，佢補充「精壯神駿」一向於谷中表現穩定，即使由1800米縮落一哩，都唔敢輕視佢。