今日係肥姐沈殿霞逝世五周年，肥姐寶貝女鄭欣宜今午喺微博上載一張同媽咪嘅溫馨母女舊照。

照片中嘅欣宜當年仲好細個，佢小鳥依人翹實媽咪隻手，仲挨落媽咪膊頭度，好嗲好溫暖，而肥姐就展露燦爛慈祥嘅笑容。欣宜喺微博簡單留下一句「想你」，已道盡對媽咪嘅思念。唔少網民及粉絲留言懷念，而陳爽亦留言鼓勵欣宜：「看得心裡酸酸的，親愛的，堅強噢。你已經是她的驕傲了。」

欣宜，加油﹗堅強生活下去﹗