特首林鄭月娥今日推出「娥六招」，有經濟學家認為，林鄭已經放棄私樓市場，樓價會繼續升。至於未符居屋資格，但買唔起樓人士最受害。

林鄭將私營房屋九幅用地，撥作公營房屋，涉及1.06萬個單位。美國美國克林信大學經濟系副教授及中大亞太研究所成員徐家健認為，此會影響中期私樓供應減慢，「做法好似放棄咗中產、中上產，即係一班唔會諗住排居屋嗰啲人，令樓價中短期再貴落去。」

他表示，除非未來半年土地供應諮詢後，就增加土地供應有共識，予市場信心，否則現時林鄭的姿態是，「似乎想公營或資助房屋做多啲嘢，基本上放棄私樓市場。依家減少供應就好明顯係由佢升，嗰班人我放棄啦，你班炒家鍾意炒就炒飽佢啦，由你住納米樓啦。」

他表示，料樓價繼續升，「一係就夠窮，夠資格排公屋或者居屋，如果唔係連居屋資格都唔合符，短期來講最受害。」

空置稅方面，他應為由於現時空置率實際比政府公佈低，「所以其實唔係好需要。」對於林鄭月娥以發展商收「入伙紙」後一年作收空置稅標準，他表示，「就算想租出去，但未有滿意紙，都好難租到。所以如果賣唔出去，好難用租去偷雞。」

全球樓行 Dream House零距離
https://hk.feature.appledaily.com/overseasproperty