韓國總統大選將於下周二進行，噚日同今日都可以進行事前投票，一眾藝人已喺呢兩日率先去投票。

噚日人氣綜藝節目《無限挑戰》嘅成員劉在錫、Haha」男團GOT7成員JB、珍榮及榮宰、BoA、鄭采妍、朴海鎮、張娜拉等都有去投票。

今日都有唔少藝人繼續投票，好似韓國女團少女時代(少時)嘅允兒，佢雖然同任時完及洪宗玄忙於拍攝新劇《戀愛中的王》，但佢哋都不忘去投票，當中任時完同洪宗玄仲係着住古裝去投票，真係好鬼熱心。

而日前宣佈懷第二胎嘅韓劇《3days》女星蘇怡賢就孖老公印喬鎮一齊去投票，大晒恩愛。

另外，Super Junior嘅厲旭、任昌丁同埋T-ara都有去投票。