自王維基去年底宣佈香港電視成功以1.42億港元，向中移動香港購入有廣播執照嘅子公司，將港視播映平台轉為流動電視，並擬於7月1日啟播後，港視正陸續恢復製作節目，幾乎「難產」嘅劇集《天網》，亦預計喺3月復工。

除中途叫停嘅劇集繼續拍攝外，港視創作部早已完成部份劇本，隨「翻生」而重見天日，其中五集單元劇《末日+5》（暫名）將於明日開拍，拍攝期預計約一個月，五個單元名為《承諾》﹑《復活》等，演員包括「港版半澤」陸駿光﹑張松枝﹑劉玉翠﹑潘燦良﹑王宗堯﹑麥子樂﹑龔慈恩及陳家樂等，透過五個獨立的單元故事，讓大家接觸世界末日呢個命題，從而反思人類最基本甚至大家早已忽略嘅事物，包括親情﹑友情及愛情，以末日為題材，算係近年電視台大膽嘗試。

而有份演出嘅阿翠表示，未拍過末日呢類超現實題材嘅劇；佢又話拍完呢部劇就同港視完約，0依家傾緊續約問題，阿翠表示港視勝在可以拍其他電視台，自由度大啲，所以會優先考慮。