當年今日
關於我們

郭晉安禁B仔新劇出鏡
郭羨妮:拍戲好殘忍

蘋果日報 2008/10/28 00:00


郭晉安、郭羨妮、胡定欣和郭政鴻等昨日在將軍澳電視廣播城替無綫新劇《古靈精探II》試造型,今趟沿用第一輯人馬,劇情發展到于子朗(郭晉安飾)跟Madam刑(郭羨妮飾)終於結婚生仔,半歲大兒子更令他們生活起了很大變化。
剛巧安仔跟太太歐倩怡也育有六個月大兒子,小B仔可說是拍攝《古II》的最佳人選,不過安仔堅決拒絕,他說:「唔搵得!拍戲好辛苦,辛苦嘢畀我做得喇,等佢大個讀完書先啦。」他覺得跟小演員拍戲難度極高,他說:「好似之前有部同小朋友合作嘅劇,佢戲份都幾重,又要記對白,又要做戲,真係好難。」
記得郭晉安當時拍攝完《古靈精探》,即傳出歐倩怡有喜,郭羨妮對此說:「係呀,佢拍嗰時,已經見佢係咁飲奶同食補品,話要調理身體,生個靚種,拍完後冇幾耐就話有咗!嗰時佢都有介紹我飲奶,話可以補充維他命同所需營養。」提到借安仔的半歲大兒子拍戲,契姑媽郭羨妮也表示反對,她說:「唔得,拍戲好殘忍,時間好長。」原來契姑媽也探望過契姪仔,郭羨妮說:「我去過安仔屋企探姪仔,佢好似Cindy(歐倩怡),已經六個月大,遲啲要再去探佢。」
至於胡定欣和郭政鴻在《古II》中飾演情侶,兩個冬菇頭造型襯絕,不過他們走在一起,最愛互寸。胡定欣表示合作時會特別留意拍檔的感情事,她說:「我都希望佢可以開花結果,呢個幾月會探討吓佢嘅私人生活。」郭政鴻則還擊說:「你呢?你都犯小人啦!」最近跟莊思敏傳出罵戰的胡定欣笑說:「咁你幫我打!」
採訪:楊潔雯
攝影:葉君海