被視為今年底最受注目嘅韓片《與神同行》，大前日已喺韓國開畫，下月11日亦會喺香港上映。電影無論陣容定係製作費都堪稱韓片之最，本周一一眾演員就現身首爾首映禮，晒冷為電影宣傳。

首映禮前導演金容華就與車太鉉、河正宇、朱智勛、金香起及金東旭齊齊接受《蘋果》訪問。由於人多勢眾，6人分批受訪，先由導演金容華聯同車太鉉和金東旭打頭陣受訪。

記者：記　　車太鉉：車　　金容華導演：導演　　金東旭：金

記：在片中消防員一角為救小朋友而犧牲自己性命，在現實中會否像角色般為救人而犧牲性命？
車：如果真的發生這種狀況，當然也會這樣做。

記：《與神同行》為何要分兩部上映？是否因為對電影很有信心？
導演：這部網上漫畫本來可以分成三部拍攝，這次我們很有信心把三部嘅內容濃縮成兩部，建議大家看第二部前也先看第一部，了解前因後果，因為第一部和第二部的劇情也有連貫性。兩部都看會更好。

記者：你本身相信鬼神嗎？相信人死後到地獄或天堂？
車：我本身係基督徒，都相信有地獄和天堂，但拍攝時我冇特別諗太多呢方面嘅事情。

記：你曾拍中韓合拍片，同拍韓片相比會否有很大差別？
導演：《超級巨猩3D》係我第一部執導嘅合拍片，就題材而言亦很適合亞洲市場。嗰次係中韓合拍，而《與神同行》則係百分百韓國製作。我認為呢部電影能跨越不同國界，意思就係不同國家如非洲人來睇，也能對題材有所共鳴。所以當初一落實開拍時，我們已希望將《與神同行》打造成亞洲以至全世界觀眾都能產生共鳴嘅電影。

記：喺拍攝現場最難忘係乜嘢？
金：由開始拍攝到拍完，整個過程對我來講都好有新鮮感同埋好有趣，以亦都好很享受整個拍攝過程。

記：有否睇過原著？角色同自己相似？
車：之前偶然之下睇過原著漫畫，但並非看完整部才參演電影。收到劇本前睇了漫畫嘅一半左右，睇完漫畫和劇本，覺得金自鴻（片中角色）的嘅性格開朗，我覺得電影版喺呈現佢嘅性格方面比原著多，我亦都好鍾意。通常我演嘅角色和現實中嘅我，喺性格上都有七八成相似。

記：電影用了六年時間籌備及拍攝，為何需要這麼多時間？
導演：我自己嘅部份用咗三年時間，編劇們和其他幕後工作人員亦另外用咗三年時間準備，加起來就係六年。這不是一部容易拍攝的電影，所以要花好長時間來籌備和製作。

更多韓流，喺晒《娛果》
http://fb.com/appledailyent