被稱為「潮流教主」嘅尹恩惠，日前就連環被網友踢爆佢喺演出內地節目《女神新裝》入面所設計嘅衫大部分都係抄襲其他大牌嘅「山寨品」，仲畀其中一個設計師話佢厚面皮添。

而噚日節目《演藝家中介》就去到佢所屬嘅公司JArmy大廈打算訪問下佢時，就喺大廈管理員口中得知佢已經有段時間冇返公司。

管理員仲話：「佢已經有好幾日冇嚟，就算嚟都係夜晚或者凌晨時分先嚟一陣。」照咁睇，唔知尹恩惠係咪因為無啦啦由潮流教主變成copycat，尷尬得濟日頭冇面見人呢。