本港著名時裝設計師鄧達智（William）去年6月與醫生男友陳梓欣（Clement）在英國註冊結婚，找到人生伴侶。現年60歲的William被爆新婚後兩個月確診患前列腺癌二期，2014年患過結腸癌的他，今次冷靜與癌魔對抗，手術成功後，他感恩沒有因病而失禁，性功能也正常。

鄧達智前日被傳媒報道新婚兩個月身體突然不適，泌尿系統指數不正常，入院檢查後確診患前列腺癌二期，日前入院進行切割手術，三日前已出院回家休養中。

《蘋果》昨日致電William，他聲線精神、說話有力：「好運係二期，唔好運三期就擴散咗。」自從2014年患結腸癌做手術成功後，他定期做身體檢查，幸好發現及時。他表示驗到「有料到」時，連Clement都隱瞞：「我小便從來冇問題，我有家庭醫生，每年驗血三、四次，之前驗完發現PSA（前列腺特異抗原指數）高咗，唔知點算，連Clement都唔講。三個月後再驗，雖然指數低番，由9點幾跌到6，但6都比正常4.5有事。」

William一向不想麻煩身邊人，上次腸癌都是做完手術才通知家人，他說：「因為Clement做醫學科學，唔係靠感覺做人，就算我鬧情緒，佢feel唔到，我唔想因為病令佢特別關心我。」直至去年11月底，他因腹部隱痛往養和醫院照內窺鏡，才向Clement和盤托出之前的檢驗結果。Clement得悉後有微言，但最後齊齊找醫生好友研究如何抗病。

William的癌症屬第二期，腫瘤有1cm大，要由機械人電鋸臂進行微創手術，William說：「但位置有啲危險，怕切割時候影響啲神經。」最後，他找來兩個泌尿科醫生及之前為他做腸癌切除手術的醫生監場，合共三個醫生為他做手術。原本手術去年12月做，但最後他完成手頭上工作，再與Clement去印度旅行後才進行。

手術相當順利，William康復進度理想，只需處理傷口及定期檢查血指數，不像其他癌症需要有數年的觀察期，他表示：「離開手術室已吊住鹽水、尿袋，因靜脈曲張帶住按摩器，好似死人、木乃伊綁住嘢冇得郁，醫生見我情況好，好快拎走鹽水，剩低尿袋，我冇話畀護士聽去洗頭。」

提到患上男人最痛的前列腺癌，William坦言擔心後遺症：「因為有人做完後會失禁兩星期至三個月左右，醫生幫我拔走尿喉，我喺醫院上上落落散步，唔覺失禁，又忍到尿，醫生都話我好勁。」除了擔心失禁，William也擔心影響性功能，但慶幸很快回復性慾：「做完手術，好多人話有一段時間先返嚟，我反應好快，比預期好，雖然我唔係20、30歲，呢樣嘢唔係最重要，但始終有好過冇，好神奇，手術後兩日已返咗嚟。」他指今次有Clement陪伴抗癌，令他有不一樣的看法：「感恩有呢啲moment，身邊有個人，過去從來冇呢啲感覺。」又指不會因病而計劃同居，因二人各有各忙。

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw

全港打工仔特約：Lun廚動腦Q
加開1:30pm
3月11至22日
星期一至五1:30pm 10:30pm
http://bit.ly/2IZA8Ef