日本天后安室奈美惠宣佈明年9月引退，未來一年佢會推出專輯同辦巡演盡最後努力報答樂迷支持，有報道指安室宣佈引退前曾秘會恩師小室哲哉，疑斟合作。

安室獲小室哲哉喺95年一手捧紅，但後來佢於2001年離開小室家族作新發展，師徒二人已經多年冇見。於據雜誌《女性自身》報道，安室喺上月，即宣佈引退前曾秘密見小室，係佢哋相隔幾年再見面，知情人士透露已決定引退嘅安室，應該係想向恩師傳遞自己嘅引退決定﹐席間傾得興起仲商討合作。據指今次佢哋合作嘅新歌曲風會與《Don't wanna cry》相似，仲話已經開始製作，可能會收錄喺11月安室嘅精選碟都唔定。