由蘇志燮同申敏兒主演嘅新劇《OhMyVenus》將於本月16號首播，日前劇組先公開咗申敏兒同蘇志燮喺床上攬攬，噚日再接再厲公開咗新劇照。

早前申敏兒為呢齣劇集已經着上校服扮學生妹，31歲嘅申敏兒亦唔介意再扮學生，喺新公開嘅劇照中，申敏兒就着住學校嘅運動服重返學生時期，劇情講到高中時期嘅申敏兒着住一好老土嘅紅色運動裝，與同學一齊接受體檢。

據知呢個場口喺上個月18號嘅一間高中內拍攝，當日申敏兒雖然只着上簡樸嘅運動服，但都冇損佢嘅模特兒身材，令在場所有人都大讚不已。而劇組方面就話：「早就知道申敏兒對呢個角色非常喜愛，佢每次拍攝時都以熱情同投入嘅樣子進行拍攝，讓人再次感受佢嘅價值。」