【今晚睇Apple】串流睇片成發佈會主角 新AirPods提前亮相最「驚喜」
蘋果日報 2019/03/25 06:00
imacAppleiPadAirPods
Apple最新的發佈會，將會在香港時間25日深夜（26日凌晨）舉行，有關今次發佈會的傳聞都頗多的，有軟件亦有硬件，現在就先跟大家歸納一下吧。
最大的傳聞莫過於Apple推出類似Netflix的影視串流服務，這亦跟今次大會主題「It’s show time」相乎合。Netflix全世界已有過億用戶，業績越來越好，可見訂閱式的娛樂服務是未來大勢，Apple當然亦不會放過機會，所以有傳Apple早就大灑金錢製作自家節目，並在今年推出訂閱服務。很多人相信這正是今次發佈會的最大亮點，而除了要留意節目數量和內容以及訂閱費用，此訂閱服務會否在香港上架，甚至有否中文內容或中文字幕等，相信都是香港用家最關心的重點。
同樣是付費訂閱服務，另一傳聞就是Apple News的豐富內容和整合收費。其實Apple一直都有News功能，讓用家在一個app就可以看到不同新聞媒體的內容，而今次就有傳Apple News將會推行訂閱制，傳說付9.99美金能任看新聞內容。不過最重點是，香港一直未有支援News功能，相信今次即使有訂閱制，都未必跟香港用家有關。
當然喇，每次發佈會都會有傳說發佈硬件，不過今次就真係跌晒眼鏡，事源發佈會未開，Apple就把之前傳聞會在發佈會中出現的幾件硬件在網上提前發佈，包括iPad Air、iPad mini、iMac和好多人關注的新AirPods！新iPad Air、iPad mini換A12核心，兼支援Apple Pencil；新iMac換處理器加新圖像晶片；新AirPods冇黑色，但可用Hey Siri聲控，有更長電力，亦有無線充電盒。雖然幾款硬件都提前曝光，但都相信會有實機在發佈會現場試玩，這次提前發佈，可能是今次發佈會的最大「驚喜」！
餘下來的唯一傳聞硬件，就是一次可以為iPhone、Apple Watch及AirPods同時無線充電的AirPower。AirPower早在2017年已經首次現身，可惜一直未有確實推出時間，近日就有人話發現在iOS測試更新中出現有關的代碼，更有傳AirPower已經正式開始生產，在今次發佈會現身的機會極高咁話。想知道以上傳聞是否真確，就要留意我們Gadget Guy的現場直擊報道。
記者：韓繼聰
-----------------------------
《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI
最大的傳聞莫過於Apple推出類似Netflix的影視串流服務，這亦跟今次大會主題「It’s show time」相乎合。
同樣是付費訂閱服務，另一傳聞就是Apple News的豐富內容和整合收費。
新AirPods提早在發佈會前已發佈，冇黑色，但可用Hey Siri聲控，有更長電力，亦有無線充電盒。
AirPower早在2017年已經首次現身，可惜一直未有確實推出時間，近日就有傳AirPower已經正式開始生產，在今次發佈會現身的機會極高咁話。