好危險又好壓迫……崔碧瓜呢副武裝真係會令人窒息0架！

話說電影《PG戀愛指引》中一眾女演員，今日齊集西九龍中心搓湯丸宣傳元宵佳節，包括岑日珈、莊思敏、崔碧珈、陳婉衡、曾淑雅。男演員趙敬浩同陸駿光真係只能靠邊站。

擁36E巨胸有崔碧瓜之稱嘅崔碧珈，身穿一件開胸露大半球連身裙，立體視覺效果有如破衣彈出，岌岌可危，吸引大批毒男瞄準；曾淑雅以火紅低胸裙擠出微波，搓湯丸時不慎露出黑色打底褲；而岑日珈則熱褲騷白滑長腿，所有風頭都落在性感嘅崔碧珈身上，性感開嘅莊思敏同陳婉衡都顯得冇睇頭。

被眾多男士瞄準影相，崔碧珈話：「好緊張，仲多人過拍戲時間。本身冇預計咁性感，嚟到先知要著呢件衫都好suprise，係服裝幫我搵嘅，胸前貼哂膠紙做足安全。」

活動期間見崔碧珈唔敢太大動作，但身旁陳婉衡亦嘩然：「好正！女仔都忍唔住wow....」