林欣彤今晚在九龍灣出席網上音樂平台直播訪問，公司安排她早前到東京拍其新歌《玫瑰式體驗》的MV，她笑言今次並沒有日系男主角：「因為呢首唔係情歌所以冇，呢首歌係講一個重新嘅狀態，我都改變自己髮型，一個新開始。」

之前曾因失聲多個月，休息過後林欣彤感覺自己成長了：「講唔到嘢嘅日子好辛苦，通常都一個人，怕同人哋交流，幸好朋友同家人都好遷就我，但每次暫停都令我蛻變，而家我識愛護自己，會珍惜好多嘢，把聲同身體都重要。」

新加盟唱片公司，她表示未計劃出唱片，先推出單曲，已開始物色其他歌曲，但有計劃開音樂會：「同公司傾過有呢個諗法，都想喺今年內做到。」

--------------------------------
【六四30】守住歷史 拒絕遺忘
https://hk.adai.ly/zdzKtt2RiW
--------------------------------
【記住63836568】全民爆相爆片！下一個爆料王就係你
https://bit.ly/2Guolu9