當年今日
關於我們

【韓流】愛火係掩飾唔到金宇彬申敏兒拍廣告深情對望

蘋果日報 2015/11/12 06:00

蘋果香港廣告韓國即時金宇彬申敏兒

自從金宇彬同申敏兒公開咗戀情之後,佢哋真係擺正牌喺人前人後晒恩愛。早前佢哋為代言服裝品牌拍攝廣告,當中佢哋就公然喺拍廣告時打情罵俏,近日廣告商再次公開拍攝花絮相,並寫道:「甜蜜進行時」。

從拍攝現場嘅照片中,佢哋唔洗埋位時都毫不避忌繼續sweetsweet,當中二人亦大方地喺工作人員面前有傾有講,情到濃時仲深情對望,金宇彬仲憐愛地想咬申敏兒,佢哋沈醉喺幸福二人世界之中,真係羨慕死人。網民睇到都大讚佢哋好合襯,仲希望佢哋修成正果,快啲拉埋天窗,組織家庭。