日前80後警員劉國中喺最新一期警隊官方刊物《警聲》以「家書」形式，寫信畀大學舊宿友「阿輝」，分享對家社運抗爭嘅睇法。社運人士林輝睇完後，認得寫信呢位阿Sir係佢冇聯絡多年嘅舊同學「肥中」，於是對號入座，認為封信係寫畀佢，噚日正式回信。
林輝話畢業後已經冇聯絡肥中，淨係知佢考上警察，相信家已經係「弗佬」一名。佢好懷念昔日一齊參與學生組織嘅日子，但家大家企喺鐵馬各一方，睇嘢都好唔同。警察會覺得示威者激動，挑戰秩序；但從示威者角度，只係睇到力撼不移嘅強權。示威者最多係拉下鐵馬表達訴求，警察應該協助市民表達意見，唔係阻止佢哋。

同情警員身不由己

林輝話好明白做警察要服從紀律，但講得白啲只係權力工具，就算佢哋唔想成為強權代表，有時都身不由己，好自然成為市民發洩對象，所以佢好同情前線警員嘅處境。
林輝話無論係80後嘅社運人士或警察，大家只係捱貴樓嘅打工仔，希望示威者唔好將警察當出氣袋，亦希望前線警察唔好為咗釘死示威者而抽水。講到尾，警察同示威者唔係敵人，真正嘅敵人係強權和不公。佢最後仲邀請肥中食飯，話見字請去facebookadd佢喎。