【新增內容及圖片】

韓國神劇《太陽的後裔》兩位主角宋仲基同宋慧喬將於下月31號結婚，兩人近日飛咗去法國巴黎預支蜜月。

噚日有網民就喺法國Le Bon Marche商場撞到喬妹蹺實宋仲基行街街街，唔少粉絲都知雙宋喺巴黎，都期待見到二人，而網民繼續捕獲雙宋，當中又喺街頭撞正雙宋Shopping，今次宋仲基仲望到鏡頭，即時睜大眼睛展示微笑，而喬妹就企喺商店前等宋仲基。

未知喬妹係唔係見網民捕獲佢嘅相都冇正面樣，所以佢亦有喺Instagram上載自己嘅正面相，唔知係唔係由宋仲基操刀？

而喬妹嘅照片曝光後，有網民就話喬妹疑似腹部微隆，即時又惹來懷孕之說，事實上當日雙宋宣佈婚訊時，外界已懷疑二人奉子成婚，不過喬妹所屬公司已否認，而如今喬妹公開嘅照片腹部又似微隆，即時引起網民爭議，不過有網民就覺得喬妹件外套比較厚，佢將外套包裹住自己，有機會給人腹部微隆嘅錯角。

另外，有網民就喺微博投訴雙宋嘅經理人沒禮貌，該名網民指自己明明沒有影雙宋，但經理人卻一直指網民拍了照片，經理人更反拍網民，令該名網民大感不滿。