【新增影片】

高鐵概念炒貴了佐敦官涌街，但人流卻不成正比。3年前承租官涌街10號地舖經營咖啡店Colour Brown Cafe的老闆李健明（Edwin）深明人流多租金貴的道理，當年由西貢進駐官涌街，無非貪此處夠靜，租金不算貴。高鐵通車在即，心情矛盾，既希望帶來人流，卻生怕人流多，租金都會加得好緊要。

曾於電視台做製作的Edwin於2005年創業開咖啡店，租用西貢一個約350方呎地舖，3年前決定轉移陣地，「十年啦，(西貢)幢屋又有返咁上下歷史，好多漏甩，例如塞渠、跳電，再租可能要花好錢裝修，於是想出市區，睇下生意可唔可以穩定啲。」搵舖由深水埗搵到尖沙嘴，「深水埗啲大廈舊，如果花錢裝修又未必負擔得起，又想貼近一啲商業區地方少少，結果揀咗官涌街。」

2015年以約6萬元承租官涌街10號地舖，建築約1,000方呎，「呢條街無乜嘢，好多車房、回收舖呀，好多年前仲有間成人戲院添。睇到呢個舖啱心水，空間夠，租金唔算好貴，當然比西貢貴少少。當年完全無諗過有高鐵呢件事，由租呢度開始到而家3年，高鐵都未話炒得好熱…反而個陣時點解揀呢度，因為貪呢度夠靜。」

舖位剛續租有無加租？他回應：「始終高鐵未通車，加幅唔算好高，所以你見到我地仲係度。(租金加幅有10%嗎？)差唔多，仲可以頂得住。我諗業主仲觀望，唔會因為有高鐵炒作而加租加得太緊要，係合理加幅。當然日後業主睇到忽然人流好多，始終人流係租金到反映。」他續稱：「就來通車，都賣飛，生意額無升上去，維持以往水平，未係好確實知道影響，可能真係通咗車先知。我預期未必好大影響，始終呢條唔係主要通道，呢度去高鐵站都有段距離，可能有直達巴士、小巴去高鐵站，唔會拎個喼由呢度拖過去，旅客可能少啲，但唔知會唔會有去個邊做嘢、接車嘅人要等時間個陣過來飲杯咖啡呢，希望高鐵通車帶來好處啦，但唔會抱好大期望，因為突然間咁多客，亦都可以講，突然會加租加得好緊要，希望穩中求存。」去年他再租用官涌街另一個約1,000方呎地舖，銷售咖啡用具，例如烘焙機、咖啡豆。
記者 陳家雄