黃榕(Gloria)及甄詠珊等噚晚去到沙田出席電影《街頭祖霸王》首映禮。

Gloria表示，早前參與健美小姐選舉，獲得第四名，佢話：「人哋用半年時間準備，自己只係用一個月，得第四已經好成績，o依家大隻咗好多，希望向健身教練發展，自己練到全身肌肉，有腹肌、人魚線、馬甲線，習慣咗做運動，食得簡單，全部都係食冇味嘅嘢，比賽完o依家唔使咁辛苦，但係都會保持健康，希望向武打演員方面發展，正跟何佩珉學功夫。」

甄穎珊最近情緒低落，她表示最近身邊多人離開自己，心情低落，甄詠珊話：「半年前公公離開，一個月前一個最好嘅朋友，最近係嫲嫲，雖然嫲嫲同公公已經九十幾歲，但係都係唔捨得，知道要珍惜眼前人。情緒多少有影響，有時會同身邊朋友發脾氣。」下個月甄詠珊首次推出個人寫真，佢話：「雖然係唔係特別性感，但係非常開心，可以搵偶像郭晉安幫我寫序，自己開聲對方好快就應承幫我寫，開心到喊出嚟。」

精選娛聞，喺晒《娛果》
http://fb.com/appledailyent