上周六德甲爆大冷，班霸拜仁慕尼黑作客法蘭克福竟然慘敗1:5。今場開賽只係九分鐘，拜仁就有謝路美保定被罰紅牌，結果10人應戰下被法蘭克福連入兩球，雖然之後由連續第10輪入波嘅羅拔利雲度夫斯基追近，不過換邊後拜仁就兵敗如山倒，先後被主隊嘅阿巴謙、軒迪列加同柏辛斯亞各入一球，最終輸1:5完場，教練尼高高華可能聞到魷魚香喇。