「港版國安法」下寒蟬效應湧現，黃色經濟圈經營更見困難。表明支持反修例運動的黃色企業WEFUND.HK透過製作「香港人日曆」起家，最近在準備新一年日曆之際，合作印刷的廠家疑因《國安法》突然「縮沙」，令4,000份日曆需要改為人手製作，公司也陷入財政危機。但即使面對政治及經營壓力，團隊堅持用產品提醒港人自由民主價值，在國安時代下繼續講真話，廣傳真相。

記者 陳嘉裕

WEFUND.HK的設計師Silver在反修例運動中協助文宣設計，有感抗爭文宣必須「入屋」和生活化，她於是與WEFUND.HK現時的負責人Winston和其餘幾名志同道合的朋友，於去年開始設計《香港人日曆》，以及其他抗爭相關產品，包括「反·送鐘」、Be Water雨傘等。Winston說，他們的產品期望「由根基將文宣帶入屋，讓（香港人）長年累月，去接收自由民主嘅普世價值 」。面對政權的打壓越見嚴重，他希望透過產品提醒香港人堅持信念，「大家都知大家仍然係『心不死』」。

但在「港版國安法」下要實踐黃色經濟圈也不容易，他們透露在製作2021年、 收錄366句香港人熟悉「金句」，如前議員羅冠聰所說「我們的罪名，只是太愛香港」為主題的新一年日曆時，有承印廠家直問：「呢啲唔知會唔會出事？」又或會干涉創作內容，更有廠家借機提高價格。更甚的是，上月左報大肆誣衊黃色口罩廠的口罩有「FDNOL」字眼，涉違《國安法》後，原有合作的廠家索性「縮沙」，拒絕協助製作新一份日曆。

日曆有時效性，他們必須在短時間內重新尋找新印刷商，趕在年底前出貨。幾經周旋，原有廠商只願提供日曆的支架，內頁則由他們另覓同路人承印。至於裝嵌的工序，只能由所有負責人，以及外聘手足負責；也因為要繳付額外開支和人手，公司陷入財困。

Winston坦言，除了廠家有憂慮，亦有客人擔心購買產品有機會違法，就連原定的寄賣點也在《國安法》立法後拒絕讓他們寄賣，「有時唔一定係（驚）犯《國安法》，而係一個恐懼嘅心理，令佢（供應商或客人）覺得，（黃圈）呢啲嘢都係少掂為妙⋯⋯都會影響咗個社會氣氛。」

Winston承認，表明政治立場不利營商，但他們會堅持繼續發展黃色經濟圈：「我覺得唔係黃圈唔黃圈嘅問題，係良心唔良心嘅問題。就算我哋唔做呢個product（抗爭相關產品）都好，我哋都會係黃圈，因為我哋唔會做違背良心嘅事，呢個係人性同良知嘅分辨，我哋亦都唔想心血夭折，所以能力範圍之內做得幾耐得幾耐。」他續說：「未殺到埋身而自我噤聲，係好可悲嘅事情。」

Silver則引用2020年日曆上的一句話，就如去年的抗爭運動：「不是因為看見希望而堅持，而是因為堅持才看見希望，我哋都會秉持呢個態度。」

WEFUND.HK最近積極推動黃色經濟圈內之間的合作，包括與「麥子」手工啤酒推出聯乘產品，由他們設計出4款木皮啤酒樽套，每款都有一句經典「金句」，如龍眼味道樽套是藝人陳百祥的名句「我睇唔到，我唔知道」，飲酒之餘也嘲弄社會荒誕。他們也與黃色招牌寫手「字裡行者」合作推出抗爭月曆，「黃圈自救嘅第一步，係大家唔好吝嗇自己嘅能力，互相將黃色經濟圈入面嘅產品，推介畀自己嘅朋友」，也要做出合乎性價比的好產品，下一步則堅持本地或非中國製造，令黃圈持續發展。

《香港人日曆2021》詳情：https://wefund.hk/product-category/calendar/

-----------------------------

《蘋果》英文版免費試睇：了解更多

英文版已登錄《蘋果》App，立即下載/ 更新：iOS / Android

-----------------------------

支持蘋果深度報道，深入社區，踢爆權貴，即Like蘋果專題及調查組FB專頁！