連贏「杰歡騰」、「精壯神駿」、「歡樂盈盈」及「好運有利」四駒後，上期(13日)練馬師沈集成的偏心馬(賽前一日他自己獨操的戰馬)「縱橫大地」斷咗纜，但該場落第與馬匹實力無關，主要是潘頓策「縱橫大地」發揮一般，6檔不差，沿途卻走三四疊，轉彎飛出更外疊，外父咁外蝕到阿媽都唔認得，最終只得第七。
周六(16日)沈廐戰馬中，這天沈集成獨試第七場四班1800米草地之「紅白」，親自在內圈踱兩圈，走來輕鬆渾身是勁，明顯上仗田草2000米勝後，狀態仍在勇境。此駒上季曾有打疊四場兩冠兩位紀錄，可見耐拼，今次由史卓豐換潘頓，後者必力求補償剛戰「縱橫大地」熱倒之失。