當年今日
關於我們

從亡友傷痛中清醒
翁靜晶與夫修好樂敘天倫

蘋果日報 2002/01/21 00:00


早前飽受喪友之痛的翁靜晶,不但已重新振作,而且近日她更陪同失業的好友做小販。昨日她做完商台節目後,即駕駛夫婿劉家良的保時捷跑車,返家跟丈夫與女兒趁周日享受家庭樂。
翁靜晶經歷過喪失摯友林競業之痛後,近月已重新振作,昨日她主持商台《遇強愈強》節目時,不但透露她已從悲痛中清醒過來,不再終日愁眉苦臉,而且她更為鼓勵失業好友重新振作,陪好友一起企街做小販。

下班駕車返家
同時,翁靜晶與夫婿劉家良(劉師傅)的感情亦有轉機,昨日她主持完電台節目後,即驅車返回大埔康樂園寓所,跟夫婿及兩女兒共享天倫。
去年翁靜晶任職的孖士打律師行上司兼好友林競業墮樓身亡一事,令翁靜晶大受打擊,昨日她為商台主持《遇》節目時,自揭一切已安然無恙。

不花時間傷心
翁靜晶在節目中跟拍檔黃毓民說:「我曾經自己過唔到自己嗰關,日日愁眉苦臉,但𠵱家冇事啦,係因為你(黃毓民)同我講過一句說話,你話時間係最好嘅醫生,乜都會跟住時間淡忘同過去。我嗰時突然間醒咗,我覺得一、兩年之後我可能係冇嘢,但係與其嘥一、兩年時間,咁不如我𠵱家就停咗佢唔好諗。」

捱義氣做小販
翁靜晶昨日上午做完節目後,先駕駛夫婿劉師傅的保時捷跑車,接載黃毓民返家,然後再返回大埔康樂園寓所,趁周日假期跟夫婿及女兒共享天倫。
此外,原來翁靜晶不但重新振作,而且為鼓勵好友,不惜跟對方一起做小販,她在電台節目中說:「我有個朋友份工冇咗,佢本身讀過好多書,有幾個學位。但佢拎得起放得低,佢去做小販,喺街邊賣朱古力、洗衣粉,開頭有少少澀澀哋,於是我話陪佢去賣,一齊喺街度做小販。結果生意非常好,重要遇到走鬼,拎住啲嘢逃跑,我夠義氣喇啩,陪佢一齊企!」
採訪、攝影:娛樂突發組