噚日侯佩岑喺台灣出席新書《為愛朗讀》記者會時，講到患上ABO新生兒溶血症細仔嘅病情時，一度哽咽，仲話囝囝仍然未搵到病因，目仍然要常到醫院輸血，至今已進出加護病房3次。當時侯佩岑亦大讚囝囝好勇敢，相信佢一定會好起來！(新聞連結： http://bit.ly/2j6ikYk )

今日侯佩岑就喺ig到上載咗兩張相，其中一張係3歲多嘅哥哥Ian好深情咁望住細佬，媽咪就代留言話：「謝謝叔叔阿姨們的關心、打氣和祝福，弟弟很勇敢，我也會幫爸爸媽媽照顧他，由衷感謝大家的溫暖和鼓勵，感謝有愛的媒體朋友們，辛苦了～#繼續正能量#分享愛」，之後另一張相就係侯佩岑抱住細仔坐喺類似診所或醫院嘅地方，估計佢今日又要帶細仔到醫院血輸血或做檢查。

好多網民睇完都留言支持佢哋一家人，「弟弟一定會很快康復的噢！媽咪不要擔心」、「一定會健康平安快樂長大的」」、「佩岑媽媽加油！寶寶生命力很強的」、「媽咪加油！你好棒，Ethan很勇敢一定會好起來」。

更多娛聞，喺晒《娛果》
http://fb.com/appledailyent