盧頌之(DaDa)今日被爆已經懷孕5個月，話佢同健身男友趙勁皓(King)好事近，但係呢樁喜事就令到有啲網民嬲嬲豬喇，事關King講過計劃畀一年時間DaDa，如果陀唔到BB就分手，要傳宗接代，網民就覺得佢好大男人之類。(新聞連結： http://bit.ly/2gLIIVe )

雖然網民怒轟，但係就未有影響呢對準爸爸媽媽心情，今晚約7時半，DaDa就分別喺facebook同instagram到晒巨肚，佢留言話：「多謝你送咗一份全世界最好嘅禮物俾我...我個肚就越來越大...你嗰六嚿腹肌就越來越勁...想唔想試下調轉？」睇到DaDa嘅留言，就知佢完全唔介意懷胎十月，挺住個大肚幫King生仔，你話呢位媽媽幾偉大呢！

而幾分鐘後，King同DaDa貼咗同一張相，佢嘅留言就話：「我會令到你成為最fit嘅產後媽媽，一星期後我會送個獎座俾你同囡囡！」