當年今日
關於我們

【忠心耿耿】奧比歷將續約馬體會 違約金去到13億

蘋果日報 2017/07/02 22:14

西甲馬德里體育會基沙文奧比歷

西甲季軍馬德里體育會,俾國際足協禁止今夏買人,無辦法擴軍,不過由教練施蒙尼,到前鋒基沙文、中場沙奧尼古斯等都有情有義,堅決留守「床單兵團」今夏唔離隊,最新就有門將奧比歷,佢仲將會同馬體會續長約,違約金去到1.5億歐元(約13億港元)。
馬體會已先後同佐治高基、基沙文同沙奧尼古斯續約,24歲嘅斯洛文尼亞門將奧比歷,上季有好表現,一度成為曼聯、皇家馬德里等球隊收購目標,不過奧比歷同其他馬體會球星一樣忠心,據報已經口頭答允續約,最快今個星期簽紙,違約金去到1.5億歐元(約13億港元),打消其他球隊收購嘅念頭。