【新增影片及內容】

鷹君羅家爭產風波未息，有聲音批評羅杜莉君六子羅啟瑞，欲透過爭產成為最大得益者。昨日他與傳媒茶敍時強調今次並非「爭產案」，而是希望家庭成員「盡孝道」，將資產重歸羅老太手中，並首度承諾自己不會獲額外得益，希望家族成員能簽署法律協議，藉此反擊「謀家產」言論，「清者冇得自清……唔想影響我公司員工、識我嘅朋友、我嘅仔女，我唔係呢啲咁嘅人」。

為證明並非爭產，羅啟瑞承諾將來得到的利益持份不會多於現時，即使是1毛錢亦不會要，有效期為100年。假設有人硬將大筆資金放進他口袋，他承諾會捐給慈善機構，兒女亦不准代取。他透露現時家族信託中他佔逾10%，三哥羅嘉瑞則較他多些少。

羅啟瑞呼籲家人於一個月時間內考慮，並與他到律師樓簽署具法律效力協議，主題是「圓媽媽願望，安享晚年」，意即將資產交由羅老太手中，他希望大家不要再浪費時間，亦希望三哥羅嘉瑞身邊好友及賢達代為勸喻，不要令家族「窮得只剩下錢」，「如果真係簽咗，就唔使再打官司了」。

羅啟瑞上月15日入稟高院狀告三哥羅嘉瑞及滙豐信託等違責，他解釋是因為羅老太要求家族信託人滙豐增持鷹君困難，母親亦難取回私人公司資金，菲傭偷錄音等事件接二連三發生，最終迫不得已出手。

羅啟瑞指近年為母親奔波，稱「孝要付出好大代價」，羅啟瑞談到近年為母親奔波，「孝要付出好大代價」，是故對孝道有更深層次領會，「百善孝為先，我唔算係好孝順，但近年行多咗呢條路，認識多咗好多，做人方針同觀點都好大轉變，呢一世都受用」。他續說：「因為幫媽媽我不停奔波，螳臂擋車、以卵擊石，唔好以為我含住金鎖匙出世，我都捱得到！呢兩年自信心大升。」

他又分享自己對「飲水思源」的看法，「飲水思源係媽媽嘅『源』，呢樣嘢做仔女係需要尊重，同埋點解羅嘉瑞做到呢個位置，都係因為過去兄弟支持你，呢樣係咪都需要飲水思源呢？」

記者：周家誠

蘋果財經，關心你飯碗
http://fb.com/appledailyatm