本港的澳洲籍年輕騎師史卓豐，於今日（10日）沙田最尾第11場三班1400米，有隻3歲實力座騎，由Danny沈集成訓練的「芙蓉莊」。

「芙蓉莊」經過前仗在港初出田草1200米，末段收復大量失地走光跑第六後，上次增程出戰1400米已跑到一席第三，今期冇咗強敵「錶之太陽」，估計威脅力進一步增強，而史卓豐一家，同呢系馬淵源甚深。

「芙蓉莊」馬主楊廣發養馬十幾年，最早期其中一匹頂班馬「芙蓉鎮」，就係史卓豐爸爸史科菲主理，同Danny沈集成合力打造，由第四班扶搖直上，贏過精英班1400米國慶盃，難得楊廣發咁念舊支持史科菲之子，「芙蓉莊」亦幸運抽1檔，史卓豐肯定會打醒十二分精神盡砌。