無綫藝人余德丞（Dickson）上月踢波期間暈倒昏迷，被送往瑪麗醫院深切治療部，一度情況危殆，令人擔心。幸好他意志力驚人，小時靠習泳治哮喘，更晉身香港游泳代表隊，現在亦靠其意志，醫護人員照顧，還有親友祝福集氣，終於甦醒。當然不得不提是，事發當晚全靠同隊一名休班護士即場急救，以及場地設置的自動心臟去顫器（AED），把握救命時機，從瀕危邊緣救回Dickson一命。

今日余德丞在IG貼圖，表示已經出院：「我出院啦！感謝瑪麗醫院嘅醫生同護士們，見住你哋早更完又夜更，又一大早巡房，又每日24小時留意住我嘅病情，真係辛苦你哋！感謝我嘅屋企人，每日擔心我病情既變化，又驚我唔知有咩需要，仲要每日頻頻撲撲幫我準備三餐。感謝我公司，我經理人同一班好同事，成日擔心我會鑽牛角尖亂咁唸，一得閒就開解我。感謝我嘅朋友，知我一個人悶，一有空檔就嚟陪我傾計，仲要買埋生果糖水俾我食。感謝每一位關心我嘅你哋同支持我嘅fans，係唔同嘅交平台都見到有好多問候我嘅訊息。雖然我未能夠一一回覆，不過我絕對感受到你哋嘅心意。不過坦白講，原來連續咁多日面對住一樣既三面牆，加埋打唔開嘅窗，感覺真係好難受！所以我都希望今次之後，我嘅身體會生生性性，爭一口氣，唔好再令大家擔心。醫生話短期之內唔可以做運動住，相信都會係我最唔習慣嘅。生命無 take 2 ，今次咁好彩有多一次機會，我一定會好好珍惜。俾啲時間，等我休養多一陣，好快我就會重新出發。」