李拾壹、王嘉儀同新青年理髮廳今日喺中環擔任《LKF x JOOX Music Stage》表演嘉賓，見到新青年理髮廳成員喺左手前臂寫上歌詞，原來呢個出貓行為係擔心唱其他人英文歌時忘記歌詞，佢哋指唱自己作品時有信心完全熟背歌詞，但有時出騷時翻唱其他人作品就怕出錯，佢哋話:「盡量都唔睇字幕機，因為睇咗第一眼就會一直依賴落去。」

嚟緊佢哋一路做新歌，計劃聖誕前會再開多次音樂會，由於主題同場地未定，仍然喺籌備階段，佢哋唔想做番跟以往相近主題演出，所以計劃唱晒新歌，兼且三人繼續各施其職，分別喺視覺、文字、音樂上創作，雖然三人各顧各範疇，但每次開會都出現意見爭拗，因為大家表達方法唔同出分歧，幸好每次出來成果又會更豐富。