今季開始馬會提升馬匹進口門檻，16年度自購馬籤的持有人，買自購馬來港的評分下限，由65提高到70分，好多65至69分嘅好馬都唔可以來港，搞到啲新籤馬主有微言。

咁今日（12日）沙田第七場三班1000米，初次登場馬65分嘅「由心出色」仍可以入口，因為馬主陳志呢支係舊籤，反正隻馬響新西蘭係佢自己名下，延遲至今季到港，希望由低位贏上去。

陳志今次與練馬師賀賢合作，只因同主馬「由心出發」早期係賀賢訓練，但只跑一場就轉咗去苗禮德馬房取兩Win，令賀賢無從發揮。為公平起見，「由心出色」遂交俾賀賢打理，難得舊弦重續，睇睇隻馬到時表現係咪咁出色！