新晉影帝林家棟、古天樂、Chris Collins同泰拳拳霸Tony Jaa主演，葉偉信導演、洪金寶任動作導演、鄭保瑞監製嘅電影《殺破狼．貪狼》今日喺北京舉行咗個記者會，一向處理感情戲有一手嘅導演葉偉信話：「這是一部講述命運的動作片，從動作到情感，希望大家看過之後也能發現其中細思極恐的地方。」即係話諗諗下會令人不寒而慄咁解。計返第一部洪金寶、甄子丹主演嘅《殺破狼》，已經喺12年前嘅事，對上一部嘅動作真係拳拳到肉。

有人就會覺得古天樂喺Tony Jaa、Chris Collins呢啲搏擊手面前，會打得唔好睇，不過洪金寶就話會封古仔做「動作新人王」，因為佢夠搏之外，領悟力又好高，洪金寶話:「古仔有天賦，不如早來拍動作片。」但身邊嘅古仔就話第一次拍動作片，有「身心被虐」嘅感覺，古仔話：「這次第一次演一個青春期女生的爸爸，這個角色內心很糾結，女兒在泰國失蹤，他只能憑自己的力量跨國去追，擔心、憤恨、暴躁的情緒都會有，感覺自己一直在被虐。」佢話最難忘係有一場佢畀Chris Collins用鐵勾插大脾拖住行嘅戲份，雖然唔係真插，但拍足大半日至收貨，嗰感覺係「痛到入心」。不過洪金寶就笑住咁話：「經此一次，古仔不只可以拍『床上的動作戲』，有望成為新一代動作巨星，希望下次我可以代他演文戲和床上戲，他專注大打，哈哈！」