郭富城今天下午5時在尖沙嘴舉行「郭富城鼓舞‧動起來網上慈善演唱會」，接近下午3時，舞蹈員陸續進場綵排，城城未有現身，另現場有不少保安員看守。

城城的御用排舞師Sunny Wong在開騷前向傳媒透露，今天演出的舞蹈員約100人，而他們演出時都需戴上 口罩 ，Sunny表示：「佢哋都已習慣（戴口罩），不過佢哋都一定會辛苦，因為天氣咁熱，同埋佢哋跳舞都要花氣力，呼吸一定有困難。今次個騷預咗一個鐘到，排舞都排咗一個星期。」

講到與城城合作無間，應該相當有默契，Sunny坦承，但亦指由於今次動員百人，以及要適應全新的走位，有一定難度；加上部份舞蹈員已經轉行，要集齊全部人不容易，幸好大家都十分幫忙。

提到今次的慈善騷是否別具意義，Sunny說：「我哋嘅精神相當有意義，不分彼此，都係為咗幫助件事，跳舞人大家幫助同業。」他又指：「其實今次排舞都急，日日都開會，要編排啲dancers嘅位置。（城城有冇提出意見，指要加入特定元素？）其實都諗好多，最緊要帶出團結力量同精神，做好件事，集合大家嘅力量。」

問到會否覺得一小時演出太少，有無打算開Part 2？Sunny說：「呢個係大會定咗嘅，盡量做到最好。今次冇舞台同燈光，都只係集合大家嘅力量跳舞。」