韓國女團TWICE成員嘅台灣成員周子瑜，早前因喺節目揮動中華民國國旗而被指控為「台獨分子」，早前擔任LGU+手機代言人，但「台獨」事件令佢受到抵制，日前華為BG行銷長張曉雲因為擔心被內地網民盯上，佢透過微博表態：「我們在韓國銷售的Y6由韓國運營商LGU+全權負責營銷，LGU+邀周子瑜為該產品代言。鑑於周子瑜近期言論嚴重傷害了國人的感情。我們已經與LGU+溝通，強烈要求停止與周子瑜的合作。截至剛剛，LGU+已全面停止與周子瑜及其經紀公司涉及華為相關產品的所有合作。特告廣大花粉知真相！」

雖然張曉雲喺微博公告要叮走子瑜，不過今日韓國方面就話子瑜繼續係代言人，LG方面回應傳媒時就話子瑜繼續會履行LG代言人合約，澄清之前網傳嘅消息並唔不確實，又話都冇提及會抽起子瑜於內地嘅廣告，換句話來講子瑜冇受影響，繼續做代言人。