麥長青（麥包）涉獵範疇多，除了藝人身份以外亦不少生意在身，今日他應邀到鰂魚涌出席分享從商秘訣講座，做生意世界不斷轉變，要調節自己心態。

麥包曾經在商場開舖賣精品、又做過飲食業、也有不少與友人合資業務，他認為迎合市場好緊要，麥包說 :「好似我之前賣精品，見到一啲自己好鍾意嘅嘢就據為己有，變咗做唔到生意，首先唔好同你嘅貨品物品談戀愛先。」亦曾見過有父母打本開舖頭為子女鋪路， 但最終因為下一代未有完全心理準備狀態，失敗而回。

而麥包亦有不少挫敗，但他由始至終本着一個心態：「輸錢唔好輸朋友心，曾經試過明明有糧出對方食咗我份，我都冇出聲，唔希望不歡而散，咪扮唔知，唔想因為金錢去傷害別人傷害自己，我比較阿Q精神，又未至於冇飯開，可能人哋好等錢使呢，其實同我講一聲咪得囉。」現時麥包在澳門有份投資一間冰室，他笑言：「其實一直想靠演員搵食，奈何唔係太好，所以就試多啲唔同投資，接觸唔同嘢，我唔介意捱，回頭睇返覺得自己少年輕狂都係啱嘅。」

攝影：卓寶花

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇