【家居意外】Bob嫂差錯腳斷韌帶不忘計術數 3名女兒終齊腳開枱
蘋果日報 2020/04/15 20:13
林盛斌BobPearl
- Bob嫂變身「鐵甲威龍」。（IG圖片）
- （IG圖片）
- 三名女兒近日經常在家開枱。（IG短片截圖）
疫情時期不少藝人工作減少，一向主打商場騷及做婚宴司儀的林盛斌（Bob），因應工作減少經常留在屋企。而不用上堂的三位林家千金，近日愛上在家打三人麻雀。而Bob嫂Pearl亦同時醉心研究術數、塔羅牌。今日Bob嫂在Instagram自爆原來星期日在家落樓梯時不慎差錯腳，導致韌帶撕裂。
Bob嫂在IG透露事後沒有即時去看醫生，而是記下事發時辰，方便日後以術數計算，她留言「星期日晚深夜我做了一件震驚幾百萬人的事，落樓梯都可以差錯腳然後韌帶斷了！腳進化成鐵甲威龍模式，人進化成坐月模式。後記：因為已經係深夜，所以諗住第二朝至睇醫生，當我爬返上床之後1.叫工人攞精油嚟俾我搽2.分別cap低當時嘅時辰同埋占星圖，打算日後研究吓而唔係諗自己隻腳有冇斷到，我覺得我都好痴線。」
Bob今日回覆傳媒時表示：「Ok呀，喺屋企樓梯差錯腳跟住拗柴，好在冇斷骨嘅，嗰啲韌帶其中有條撕裂咗，惟有好似鐵甲威龍咁打石膏。喺屋企休息食消炎藥，等佢慢慢好，可能要幾個禮拜，等太太喺屋企乖乖地陪啲女打麻雀囉！」